Në një kundërpërgjigjje ndaj tarifave të vendosura së fundmi nga SHBA, Kina ka paralajmëruar se është e gatshme për “çdo lloj” lufte me SHBA-në.
Dy ekonomitë kryesore të botës i janë afruar një lufte tregtare pasi Trump vendosi më shumë tarifa për të gjitha mallrat kineze. Kina u hakmor shpejt duke vendosur tarifa midis 10-15% për produktet bujqësore amerikane, raporton BBC.
Ambasada kineze në Uashington, në një postim në X, ka thënë se: “Nëse lufta është ajo që dëshiron SHBA, qoftë ajo një luftë tarifash, një luftë tregtare apo çdo lloj lufte tjetër, ne jemi gati të luftojmë deri në fund”.
Është një nga retorikat më të forta deri më tani nga Kina që kur Trump u bë president dhe vjen teksa liderët më të lartë të qarkut u mblodhën në Pekin për hapjen e Kongresit Kombëtar Popullor vjetor.
Kina në të kaluarën ka theksuar se është e gatshme të shkojë në luftë. Tetorin e kaluar, presidenti Xi bëri thirrje që trupat të forcojnë gatishmërinë e tyre për luftë, ndërsa zhvillonin stërvitje ushtarake rreth ishullit vetëqeverisës të Tajvanit. Por ka një ndryshim midis gatishmërisë ushtarake dhe gatishmërisë për të shkuar në luftë.
