Deputetja e LDK-së, Doarsa Kica-Xhelili, ka thënë se në tavolinën bisedimeve Kosovë-Serbi nuk ka më agresor, raporton teve1.info
Sipas saj, me marrëveshjen e së hënës Serbia u rrëfye dhe u fal.
Kica-Xhelili përmes një statusi në Facebook e ka kritikuar marrëveshjen e diskutuar një ditë më parë në Bruksel dhe të publikuar më vonë nga BE-ja.
“ “Ta tejkalojmë trashëgiminë e të kaluarës” – thotë marrëveshja në hyrje të saj.
Pra, e falë Serbinë. Ja fal vrasjet, dhunimet, shkatërrimet dhe të pagjeturit. Janë pajtuar të harrojnë!
“Nuk paragjykohet statusi” – thotë në vazhdim. Pra, u rihap statusi i Kosovës të cilën GJND e vulosi si të mbyllur.
Neni 7, flet për njëetnicitet të serbëve në vet-menaxhim. NJËETNICITET. Përtej Asociacionit, kanë dhënë Autonomi shtesë një-etnike.
Neni 10, flet për zbatim të të gjitha marrëveshjeve të kaluara. Por, tanimë Asociacionit në përputhje me Vendim të Gjykatës Kushtetuese, iu bashkëngjit Neni 7.
Nga dje, nuk ka më agresor në tavolinë me BE-në. Serbia u rrëfye, dhe u fal”, ka shkruar Kica-Xhelili.
