Deputetja e LDK-së, Doarsa Kica-Xhelili ka reaguar pas deklaratës së kryetarit të Kuvendit, Glauk Konjufca, i cili tha se seanca e sotme dështoi për shkak të kuorumit.
Përmes një postimi në Facebook, ajo ka thënë se kuorum ka pasur, por sipas saj, “shumica po kalkulon sa deputetët i kanë ata në sallë, pa opozitën”, përcjell teve1.info
“Kuorum për të filluar seanca kishte. Në sallë ishim rreth 90 deputetë. Rregullorja e Kuvendit kërkon që seanca të filloj kur ka kuorum – pra kur jane 61 deputetë prezent. POR, shumica po kalkulon sa deputetë i kanë ata në sallë, PA opozitën. Pra, ne kot shkojmë aty, sepse rëndësi ka vetëm 50%-shi i parë (që nuk po arrijnë ta sigurojnë), jo dhe i dyti, dhe e gjithë kjo në kundërshtim me Rregulloren e Kuvendit”, ka shkruar ajo.
Konjufca theksoi se legjislatura aktuale nuk e meriton të vazhdojë, për shkak të sjelljeve të papërgjegjshme të deputetëve.
Seanca e Kuvendit ishte paraparë të fillojë në orën 10:00 për të diskutuar pikat e mbetura nga disa seanca të kaluara, por nuk janë mbledhur të gjithë deputetët.
Më pas, kryeparlamentari ka bërë të ditur se seanca e paraparë nga ora 10:00, është shtyrë për në orën 12:30. /Teve1.info/