Ushtarët nga Ekipi i Bashkëpunimit Civilo-Ushtarak (CIMIC) të KFOR-it dhuruan pajisje arsimore, përfshirë kompjuterë, printerë dhe projektorë, për shkollën “Fetah Sylejmani” në Komunën e Dragashit.
KFOR-i deklaron se kjo iniciativë pasqyron angazhimin e vazhdueshëm të misionit për të punuar ngushtë me partnerët dhe institucionet lokale për të mbështetur të gjithë njerëzit që jetojnë në Kosovë në një mënyrë transparente dhe të paanshme, me vëmendje të veçantë në arsimimin dhe zhvillimin e nxënësve të rinj.
“KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë njerëzit që jetojnë në Kosovë dhe lirinë e lëvizjes, në çdo kohë dhe në mënyrë të paanshme.
KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në rolet e tyre përkatëse si reagues të sigurisë” thuhet në njoftimin e KFOR-it.
