Pjesëtarët e Komandës Rajonale-Lindje të KFOR-it kanë dhuruar pajisje sportive për futbollistët e rinj të klubit FC Dardanët në Podujevë.
Aktiviteti u organizua nga ekipi për Bashkëpunim Civilo-Ushtarak i kësaj komande.
Pas dorëzimit të pajisjeve, pjesëtarët e KFOR-it zhvilluan një ndeshje miqësore me futbollistët e rinj.
Sipas forcës së NATO-s në Kosovë,, aktiviteti synon forcimin e lidhjeve me të rinjtë dhe mbështetjen e zhvillimit të tyre.
“Kjo nismë dëshmon përkushtimin e vazhdueshëm të KFOR-it për bashkëpunim me partnerët lokalë”, thuhet në njoftim të këtij misioni në rrjete sociale.
