Misioni NATO-s në Kosovë, KFOR ka përshëndetur mesazhet paqësore të Kurban Bajramit dhe Vidovdanit si dhe ceremoninë e qetë në të cilën u zhvilluan.
KFOR-i përmes një komunikate ka thënë se fetë luajnë rol kyç në bashkëjetesën e komuniteteve, duke theksuar se këto dy ceremoni kanë treguar rëndësinë e vazhdimi të dialogut përmes tolerancës.
“KFOR gjithmonë mirëpret dhe mbështet mesazhet që promovojnë paqen dhe dialogun. Fetë luajnë një rol kyç në bashkëjetesën ndërmjet komuniteteve. Ceremonitë paqësore të Vidovdanit dhe Kurban Bajramit sot tregojnë rëndësinë e vazhdimit të dialogut përmes tolerancës dhe respektit të ndërsjellë”, thuhet në komunikatën e KFOR-it./teve1.info/
