Disa vitamina duhen shmangur para gjumit, sepse mund të prishin cilësinë e tij…
Edhe pse shpesh rekomandohet që suplementet ushqimore të merren në mbrëmje, neurologu Alan Mandell paralajmëron se kjo nuk është gjithmonë ide e mirë. Ai shpjegoi se ka disa vitamina që duhet shmangur para gjumit, sepse mund të prishin cilësinë e tij. Mungesa e gjumit ndikon në përqendrimin, rrit nivelin e stresit, kontribuon në shtim në peshë dhe shkakton simptoma të tjera të pakëndshme. Pra, nëse duam të përfitojmë nga këto vitamina pa rrezikuar që të na prishin gjumin, Mandell rekomandon t’i marrim më herët gjatë ditës, idealisht në mëngjes.
“Ato ju japin energji, përmirësojnë fokusin dhe, më e rëndësishmja, ju ndihmojnë të qëndroni të shëndetshëm“-përfundon ai. Vitamina B-12 është thelbësore për prodhimin e energjisë dhe funksionimin normal të trurit, por Mandell këshillon që të mos merret në orët e mbrëmjes. “B-12 mund të stimulojë fort sistemin nervor qendror dhe kështu të prishë gjumin”-thekson ai. Duke qenë se shumë e përdorin për lodhje dhe probleme me përqendrimin, është logjike që efekti i saj nuk është i dëshirueshëm menjëherë para gjumit.
E njohur si “vitamina e diellit“, vitamina D ka një rol të rëndësishëm për shëndetin e kockave dhe sistemit imunitar. Megjithatë, neurologu paralajmëron se mund të ndikojë negativisht në gjumë, sepse pengon prodhimin e melatoninës, hormonit që rregullon ritmin e gjumit. “Vitamina D mund të vështirësojë gjumin dhe mbajtjen e tij”-shpjegon ai. Edhe pse e njohur për forcimin e imunitetit, marrja e vitaminës C para gjumit mund të jetë e pashëndetshme.
“Vitamina C mund të shkaktojë shqetësime stomaku, dhe nëse merret menjëherë para gjumit, ka efekt të lehtë stimuluese dhe vështirëson relaksimin”-thotë Mandell. Vitamina E përdoret shpesh për përfitimet për lëkurën dhe flokët, por mund të shkaktojë shqetësime të tretjes nëse merret vonë në mbrëmje. “Vitamina E gjithashtu mund të shkaktojë probleme stomaku që mund të prishin gjumin gjatë natës”-thekson Mandell.
