Komuna e Malishevës po vazhdon të përballet më situatë të rëndë nga vërshimet, ku edhe është shpall gjendje emergjente.
Zëdhënësi i kësaj komune Aran Paçarizi ka thënë se zonat më të rrezikuara janë ato përgjatë lumit Mirusha.
Ai në emisionin “Ditari” në Tëvë1 ka thënë se komuna është angazhuar me gjitha kapacitetet dhe institucionet tjera për të menaxhuar situatën.
“Zonat me të rrezikuar vendbanimet përgjatë lumit Mirusha dhe prrocakve tjera që ekzistojnë në territorin e Malishevës. Kryesisht më të rrezikuarat janë fshatrat, Mirushë, Turijakë, Lubizhë, Damanek dhe Bubël që janë në pjesën e poshtme të lumit Mirusha. Mungesa e rrymës për shkaqe sigurie e rëndon situatën pasi nuk mundësohet as furnizimi me ujë të pijshëm”, ka thënë Paçarizi në emisioin “Ditari” në Tëvë1.
Ai bëri të ditur se procesi mësimor në këtë komunë do të vazhdojë të hënën dhe dy ditën e humbura do të kompensohen.
Në këtë komunë janë evakuuar gjatë ditës disa familje për shkak të rrezikut që është paraqitur pas vërshimeve.
