Në letrën e siguruar nga Tëvë 1, SHQNGL ka theksuar se janë për rregullim të mirëfilltë të industrisë së naftës por jo “me vendime arbitrare që kanë për qëllim dëmtimin e industrisë së naftës dhe jo mbrojtjen e konsumatorit”.
Të njëjtit po ashtu kanë paraqitur disa kërkesa, shkruan teve1.info
“Të vazhdohet me ekonominë e tregut të lirë njëjtë si 22 vitet paraprake dhe në pajtim me Kushtetutën e Kosovës. Nëse kërkesa e mësipërme nuk merret parasysh nga Qeveria atëherë kërkesat tona janë që minimalisht marzhat të caktohen si më poshtë, kjo duke u bazuar në nivelet e çmimeve aktuale: Shitja me shumicë 3%, shitja me pakicë 12%”, thuhet në letër.
Kjo shoqatë ka potencuar se nëse kërkesat nuk merren parasysh do të marrin masa të tjera, ndër të tjerash edhe mbylljen e pikave të derivateve në tërë territorin e Kosovës.
Naftëtarët janë mbledhur sot në Odën Ekonomike të Kosovës për të shqyrtuar gjendjen e krijuar pas ngritjes së çmimeve enorme të karburanteve në vend. /Teve1.info/
