Ekzistojnë dhjetëra lloje të dhimbjeve të kokës dhe disa janë mjaft të rralla.
Kjo është arsyeja pse ekspertët pretendojnë se çdo lloj dhimbje koke është një rast i veçantë, i cili kërkon të identifikohet një histori e plotë e pacientit.
Sa më shumë tipare që jep dikush për dhimbjen e kokës, aq më e besueshme mund të jetë diagnoza, dhe për këtë arsye edhe trajtimi i saj.
Dhimbje koke për shkak të përpjekjeve të tepërta
– Kjo dhimbje koke ndodh disa minuta pas një sforcimi të rëndë fizik, siç janë ushtrimet, seksi, një teshtimë e madhe ose e qeshura e fortë.
Presioni i lëngut cerebrospinal në tru rritet ndjeshëm, duke rezultuar në një dhimbje koke, e cila zakonisht ulet në disa minuta. Rrallë dhimbja mund të jetë për shkak të një problemi të enëve të gjakut.
Dhimbje koke për shkak të hipertensionit
– Shumë njerëz e kuptojnë që kanë presion të lartë të gjakut për shkak të dhimbjes së fortë të kokës që ndiejnë.
Presioni i lartë i gjakut kufizon rrjedhën e gjakut në tru dhe kështu shkakton dhimbje koke. Kjo lloj dhimbje koke zakonisht është më e keqe në mëngjes dhe zhduket gjatë ditës. Prandaj është e rëndësishme të kontrolloni presionin tuaj të gjakut dhe ta mbani atë në vlera normale.
