Shkencëtarët amerikanë Mary Brunkow, Fred Ramsdell dhe ai japonez, Shimon Sakaguchi fituan të hënën Çmimin Nobel për Fiziologji ose Mjekësi 2025 për zbulimet e tyre në tolerancën imunitare periferike, duke hapur mundësi për trajtime të reja të mundshme për sëmundjet autoimune dhe kancerin.
Fituesit për mjekësi zgjidhen nga Asambleja e Nobelit e universitetit mjekësor të Institutit Karolinska të Suedisë dhe marrin një shumë çmimi prej 11 milionë kronash suedeze (1.2 milionë dollarë), si dhe një medalje ari të dhënë nga mbreti i Suedisë.
“Zbulimet e tyre kanë hedhur themelet për një fushë të re kërkimore dhe kanë nxitur zhvillimin e trajtimeve të reja, për shembull për kancerin dhe sëmundjet autoimune”, tha organi që jep çmimin në një deklaratë, citon Reuters.
Laureatët identifikuan të ashtuquajturat qeliza T rregullatore, të cilat veprojnë si roje sigurie të sistemit imunitar që i pengojnë qelizat imune të sulmojnë trupin tonë, shtoi ajo.
