Zulfaj në Facebook ka shkruar se me faktin që Kosova është shoqëri multietnike nuk ka asnjë institucion shqiptar, prandaj nuk mund ta ketë as një të tillë serb.
“Rrjedhimisht kushtetuta e Kosovës nuk ka paraparë asnjë institucion shqiptar e nuk mund ta parashoh e pranojë asnjë institucion serb, rom, boshnjak, turk, goran, ashkali, egjiptian”, ka shkruar Zulfaj.
Zulfaj duke folur për opozitën, ka thënë se rezistenca më e madhe ndaj Asociacionit për ta mbetet Qeveria. Teksa ka shtuar se të huajt shohin potencial për kompromise e koncesione ndaj Serbisë më shumë jashtë qeverisë se sa në Serbi.
“Rrjedhimisht, kur partnerët e miqtë tanë shkojnë në Serbi edhe flasin për Kosovën, Vuçiç ju duket me i hapuri, duke qenë radikali më i butë në mesin e ultra radikalëve. Kur vijnë në Kosovë edhe flasin për Serbinë, në qeveri e tek Kryeministri gjejnë pozicionin më të prerë ndaj Serbisë e kundër asociacionit një-etnik. Këtu edhe gjejmë shpjegimin e qasjes amerikane e evropiane. Në Kosovë shohin potencial për kompromise e koncesione ndaj Serbisë më shumë jashtë qeverisë se sa në Serbi”, ka shkruar Zulfaj.
Prandaj sipas tij, ndërkombëtarët po i bëjnë më shumë presion Kosovës se Serbisë.
