Votimi nga këshilli prej 15 anëtarësh ishte procedural, kështu që Rusia nuk mund të ushtronte veton e saj.
Me 11 vota pro u miratua rezoluta për thirrjen e seancës së Asamblesë së Përgjithshme. Rusia votoi kundër, ndërsa Kina, India dhe Emiratet e Bashkuara Arabe abstenuan, raporton Reuters, përcjellë teve1.info.
Asambleja e Përgjithshme pritet të votojë për një rezolutë të ngjashme sa më shpejt që të mërkurën, tha ambasadorja e SHBA në Kombet e Bashkuara Linda Thomas-Greenfield për Meet the Press të NBC të dielën. Asnjë vend nuk ka të drejtën e vetos në Asamblenë e Përgjithshme.
Kjo është vetëm hera e11-të që Këshilli i Sigurimit të OKB-së thërret seancë të jashtëzakonshme që nga viti 1950.
