Këshilli i Bashkëpunimit të Gjirit ka dënuar sulmet hakmarrëse të Iranit kundër Bahreinit, Kuvajtit dhe Jordanisë, duke i quajtur ato “të tmerrshme”, tha sekretari i përgjithshëm i grupit në një deklaratë.
“Këto sulme iraniane përfaqësojnë një shkelje të hapur të sovranitetit të shteteve dhe një kërcënim të drejtpërdrejtë për sigurinë dhe stabilitetin e tyre”, tha Jasem Mohamed AlBudaiwi, citon Al Jazeera.
Irani qëlloi mbi aleatët e SHBA-së në Gjirin Persik të mërkurën në mëngjes pas një nate bombardimesh amerikane.
Sulmet e fundit i dhanë fund një qetësie njëmujore në luftimet midis SHBA-së dhe Iranit, gjë që ka trazuar ekonominë globale dhe po paraqet probleme politike në rritje për Presidentin Trump përpara zgjedhjeve të mesmandatit të nëntorit.
