E disa prej tyre, dorëzuan edhe pajisjet zyrtare. Por, nga rreth 600 zyrtarë sa i shërbenin Policisë së Kosovës, duket se jo të gjithë dorëzuan armët, radiolidhjet e pajisjet e tjera.
Për këtë çështje, tëvë1, adresoi disa pyetje në këtë institucion, megjithatë pavarësisht insistimit të vazhdueshëm, nuk u mor një përgjigje.
E sa rrezikohet puna e zyrtarëve policorë nga tashmë ish-kolegët e tyre, tregon ish-drejtori i këtij institucioni Rashit Qalaj.
Deputeti opozitar tregon edhe hapat që duhen ndërmarrë nga organet e sigurisë.
Për rrezikun që mund të paraqitet në punën e zyrtarëve policorë, flet edhe njohësi i çështjeve të sigurisë Nuredin Ibishi.
I njëjti kërkon nga organet relevante, t’i detyrojnë ish-policët e asaj pjese për të dorëzuar të gjitha pajisjet e tyre zyrtare.
Këta ish-policë kishin dhënë dorëheqje pas shkarkimit të Drejtorit Rajonal të Policisë në Mitrovicën Veriore Nenad Gjuriq, i cili doli haptaz kundër vendimit të Qeverisë së Kosovës për targat ilegale serbe.
Ndërsa për zëvendësimin e këtyre zyrtarëve policor po vazhdon të jetë i hapur konkursi. Madje, së fundmi kryeministri, Albin Kurti u bëri thirrje të gjitha komuniteteve, që të mos kenë hezitim për aplikim.
Kronika e gazetarit Lindrit Zejnullahu.
