Vetëm për tri javë, ndodhën tri raste të grabitjeve me armë zjarri në disa qytete të Kosovës.
E gjatë kryerjes së këtyre veprave, grabitësit gjuajtën me armë zjarri edhe policët të cilët hasën të jenë njësi patrulluese e pa armë të gjata.
Tëvë1 kërkoi sqarime nga Policia e Kosovës se pse këto njësi nuk janë të pajisura me armë të gjata në mënyrë që t’i kundërpërgjigjen këtyre kriminelëve.
Përmes një përgjigjeje me shkrim, nga ky institucion thanë se varësisht prej vlerësimit angazhohen njësi të ndryshme.
“Policët patrullues në kushte normale të patrullimit nuk kanë armë të gjata. Policia e Kosovës, varfërisht prej vlerësimit angazhon njësi të cilët sipas nivelit të përgjegjësisë janë të pajisur ma armë të gjata. Policia e Kosovës ka armë të gjata të mjaftueshme për të përmbushur nevojat e veta operacionale”, është bërë e ditur nga Policia.
Se këto njësi duhet të pajisen me armë të gjata e thotë edhe njëri nga ish-drejtorët e Policisë së Kosovës.
Sipas tij, dërgimi i të gjitha njësive elitare në pjesën veriore të vendit, ndikon që të ketë këso raste të shpeshta të grabitjeve.
Edhe një ish-polic i cili tashmë është instruktor i armëve të zjarrit, vlerëson se pajisja e policëve të rendit me këto armë do të ndikonte në zvogëlimin e kriminalitetit.
Që nga miratimi i Ligjit të Pagave, Sindikata e Policisë ka kërkuar nga Qeveria të rrisë vlerën e shtesave të rrezikshmërisë për zyrtarët policorë.
Sipas vendimit të Qeverisë, këto shtesa për njësitë elitare deri tek ato patrulluese, variojnë nga 150 deri në 45 euro.