10 ditë në burgjet e Serbisë pritet t’i kalojë drejtori i administratës së Komunës së Leposaviqit Nikolla Radomiroviq.
Ky dënim i është shqiptuar atij, pasi institucionet e drejtësisë në Serbi po e akuzojnë për përdorim të armës së ftohtë.
E arrestimi i serbëve që punojnë në Kosovë, nuk është diçka e re.
Sipas ish ministrit për Komunitete dhe Kthim, Milazim Gashi, një gjë e tillë ka filluar para më shumë se tri vjetësh.
Madje, Gashi këtë e quan si një lloj “kidnapimi diplomatik” që Lista Serbe po bën në bashkëpunim më institucionet në Serbi.
Ish ministri Gashi kërkon nga Qeveria e Kosovës që të bëjë kujdes, pasi kjo mund të jetë një taktik e Serbisë për ta destabilizuar vendin.
E Belgzim Kamberi nga Insituti “Musine Kokalari”, këto arrestimi po i konsiderojnë si shantazh ndaj të gjithë të punësuarve serbë në institucionet e Kosovës
Kamberi kërkon kjo çështje të ngritet në nivel të dialogut Kosovë- Serbi.
Të shtunën, Nikola Radormiroviq, derisa po kalonte në piken kufitare në Jarinje u arrestua nga policia serbe.
