Prokuroria Themelore në Mitrovicë ka dorëzuar në Gjykatën Themelore kërkesën për caktimin e masës së paraburgimit ndaj personit të dyshuar me inicialet D.B., i cili po hetohet për veprat penale “Vrasja e rëndë në tentativë” dhe “Mbajtja në pronësi, kontroll ose posedim të paautorizuar të armëve”.
Sipas Prokurorisë, D.B. dyshohet se para disa muajsh ka tentuar t’i marrë jetën djalit të tij, duke kryer veprime që përbëjnë tentativë për vrasje të rëndë.
I dyshuari u arrestua më 14 nëntor 2025 dhe me vendim të prokurorit, aktualisht ndodhet në mbajtje.
“I dyshuari D.B., muaj më parë dyshohet se ka dashur të privojë nga jeta të birin e tij. I njëjti është arrestuar ditën e djeshme, datë 14 nëntor dhe nga arrestimi me vendim të prokurorit gjendet në mbajtje”, thuhet në njoftim. /teve1.info/
