Prokuroria Themelore e Pejës ka kërkuar paraburgim për personin që dyshohet se qëllimshëm ka goditur me veturë viktimën që ishte shtetas i Shqipërisë.
Kështu ka bërë të ditur për teve1.info, zëdhënësi i Prokurorisë, Shkodran Nikçi.
“Prokurori i rastit ka kërkuar caktimin e masës së paraburgimit. Sa kam informacion seanca aktualisht është duke u mbajtur dhe gjyqtari pritet të vendoset lidhur me masën”, tha Nikçi.
Rasti ka ndodhur dje në Pejë, ku S.J., dyshohet se me qëllim hakmarrje ka goditur qëllimshëm me veturë I.O..
“Viktima ka vdekur si pasojë e lëndimeve të shkaktuara nga goditja e veturës. I dyshuari pas punës intensive nga Policia e Kosovës është arrestuar dhe me urdhër te prokurorit të shtetit është ndaluar për 48 orë për veprën penale ‘Vrasje e rëndë me qellim hakmarrje”, ka deklaruar Nikçi në ditën kur ka ndodhur vrasja./teve1.info/
