Sipas njoftimit të Prokurorisë, i dyshuari fillimisht ishte arrestuar nga Policia në afërsi të shkollës “Gjergj Fishta” në Prishtinë, me ç’rast të njëjtit i ishte gjetur marihuanë, 2 mijë e 320 euro dhe një thikë.
“Me kërkesë të Prokurorit të Shtetit dhe aprovim nga gjyqtari i procedurës paraprake, është bastisur shtëpia e të dyshuarit, ku janë gjetur dhe sekuestruar: dyzetetetë (48) qese të vogla me 39 gram substancë narkotike e llojit marihuanë, një (1) peshore digjitale, një (1) armëAK47 me një karikator dhe 50 fishekë dhe një (1) revole me një karikator dhe 8 fishekë”, thuhet në njoftim.
Prokuroria bën të ditur se i dyshuari është ndaluar për 48 orë, derisa ndaj kësaj çështje penale do ndërmerren veprimeve hetimore deri në epilogun përfundimtar. /Teve1.info/
