Verë e dimër qëndrojnë në këtë vend.
Automjetet e zjarrfikësve janë të parkuar në këto hapësira pasi që grazhdet e destinuar për to, tash e më shumë së 10 vjet nuk mund të shfrytëzohen.
Kjo pasi që kompania Hortikultura që nga viti 2012 është e vendosur në objektin i cili ishte i ndërtuar për zjarrfikësit e Prishtinës.
E ky nuk është problem i vetëm i zjarrfikëseve.
“Janë shumë sene këtu që zjarrfiksat nuk mund t’i bëjnë. E para është pyrgu që kam para”, tha Latif Zeka, komandant i Zjarrfikësve në Prishtinë.
E për këtë komandanti i zjarrfikësve po kërkon një zgjidhje.
“E kam kërkuar shumë herë, po kërkoj edhe sot, se duhet me na bo një zgjidhje ose neve ose Hortikulturës, sepse kjo na pengon dhe nuk na lidh asgjë njëri me tjetrin”, shtoi ai.
Kurse Komuna e Prishtinës thonë se janë duke e trajtuar kërkesën e zjarrfikësve.
“Objekti i është dhënë në shfrytëzim NPL “Hortikultura” me vendim të administratave të kaluara. Deri në një anulim të vendimit dhe/apo vendim të ri, për të cilën do të jeni në dijeni me kohë, nuk ka lëvizje për ndryshim. Ne jemi të vetëdijshëm për kërkesën e vazhdueshme të zjarrfikësve për lirimin e objektit dhe do të vazhdojmë t’a trajtojmë për zgjidhje më të mirë me Kabinetin e Kryetarit”, thonë nga Komuna e Prishtinës.
Kujtojmë që ky objekt i është dhënë në shfrytëzim Hortikulturës në vitin 2012, në kohën kur Prishtina udhëhiqej nga Isa Mustafa.
Kronika e realizuar nga gazetarja Doresa Geci.
