Me fotografi në duar po qëndrojnë në rrugën “Drenica” në Podujevë, vendin ku, Lulzim Fejzullahu u rrah brutalisht, prej plagëve që mori pastaj 18- vjeçari humbi jetën.
E një javë pas varrimit të tij, qytetarë të shumtë u mblodhën për të kërkuar drejtësi.
Për të mbajtur rendin po sigurohen pjesëtarët e Policisë së Kosovës.
E para nisjes, daja i të ndjerit e ka një mesazh.
Ndërsa vargjet dedikuar Lulzimit nga një tjetër familjar, prekën të pranishmit.
Pas kësaj, në përcjellje të policisë, qytetarët filluan marshimin drejt qendrës së qytetit. Të gjithë bashkë parakaluan rreth shtëpisë së njërit prej të dyshuarve për kryerjen e krimit.
E gjatë rrugës, marshit iu bashkuan edhe më shumë qytetarë.
Fëmijë e të rritur arritën në sheshin ‘’Ali Ajeti’’ ne Podujeve.
Marshi vazhdoi rrugën e kthimit nga një tjetër rrugë.
E në fund, ata u pozicionuan në vendin ku ende vërehen shenjat e veturës me të cilën dy të miturit dyshohet se kryen sulmin.
Aty u dhanë edhe mesazhe të tjera për të ndjerin.
Porositë për dënime meritore dhanë edhe disa të rinj, në fund të këtij marshi.
Qytetarët më pas u shpërndan, duke lënë pas shenjat e krimit që dyshohet se u krye nga dy të mitur, të cilëve i ëshhtë caktuar masa e paraburgimit prej një muaji nga Gjykata Themelore në Prishtinë.
