Policia e Kosovës ka arrestuar një person në Pejë, i dyshuar për kanosje ndaj zyrtarëve policorë dhe dëmtim të pasurisë.
Sipas njoftimit zyrtar, rasti ka ndodhur të dielën rreth orës 13:30, gjatë kohës kur zyrtarët policorë po kryenin detyrat e tyre zyrtare. I
dyshuari, sipas policisë, ka kanosur verbalisht me vrasje katër zyrtarë policorë.
Po ashtu, gjatë incidentit dyshohet se ai ka dëmtuar një kompjuter brenda një zyre në stacionin policor.
Pas arrestimit dhe intervistimit, me vendim të prokurorit të shtetit, i dyshuari është dërguar në mbajtje, ndërsa rasti po vazhdon të hetohet nga organet kompetente. /teve1.info/
