Keqpërdorimi i xhirollogarive bankare shihet të jetë një problem edhe në vendin tonë.
Forma të tilla të keqpërdorimeve shpesh paraqiten permes tranksasioneve bankare që kryhen pa dijeninë e konsumatorëve.
Vet konsumatorët shpesh e kanë shprehur pakënaqësinë e tyre me këtë fenomen edhe në rrjete sociale, duke e cilësuar atë si “ vjedhje”.
E për këtë dukuri, njohësit e kibernetikës thonë se gjinia femërore është më e afektuar, derisa theksojnë se janë rreth 200 raste të evidentuara.
“Ka raste të shumta që janë paraqitë dhe janë anku në bazë të regjistrit tonë është diku rreth 200 raste që janë anku. Fillim dyshimet kanë qenë që dikush nga bankat komerciale është tu bo keqpërdorim të detyrës zyrtare dhe është duke ekspozu të dhëna mirëpo më vonë është verifiku se nuk është kjo sepse ka ndodh në shumë banka”, ka thënë Kastriot Fetahaj njohës i kibernetikës.
Për të gjithë personat që bien pre e këtyre keqpërdorimeve, ai tregon se si duhet të reagojnë.
Kryeshefi ekzekutiv në shoqatën e Bankave të Kosovës, Petrit Balija, thotë se sistemi bankar i ka kontrolluar këto sulme.
Në përpjekje të gjetjes së formave për t’u mbrojtur nga keqpërdorimi I xhirollogarive të tyre bankare, persona të shumta ndanë përvojat e tyre se si mund të mbrohen nga këto sulme, duke mbuluar numrat e kartelave bankare përmes një ngjitesi jo-transparent. Megjithëse edhe kjo formë, sipas njohësve të kibernetikës nuk është një metodë e duhur.
Kronika e realizuar nga gazetarja Lendrina Kodrolli