Mirëpo duket që qëllimi i tyre nuk është kontraktimi i profesionistëve të fushës së caktuar.
Kështu thuhet në raportin e fundit të Demokracia Plus, për keqpërdorim të marrëveshjeve për shërbime të veçanta në komuna dhe ministri.
“Në bazë të hulumtimit që e kemi bo na, kemi vërejtë që personat e angazhum fare nuk kanë të bëjnë me një ekspertizë të veçantë, mirëpo janë rekrutu ose janë angazhu për me ofru shërbime të cilat janë fare të përditshme dhe fare të zakonshme të cilat do duhej të ofroheshin nga shërbyesit civil”, tha Visar Rushiti nga Demokracia Plus.
Sipas Rushitit, çdo gjë rrjedh për punësimin e personave në bazë të lidhjeve.
“Si nga përshkrimi i detyrave, si nga personat që kanë apliku, si nga personat që janë marrë, të gjitha këto fakte çojnë tek ajo që nuk ka të bëjë absolut me një ekspert apo me një punë të veçantë për një periudhë të caktume, po ideja ka qenë vetëm me marrë dikë në bazë të lidhjeve, me marrë dikë në punë dhe me ja ofru atë mundësi”, shtoi ai.
Që të mos ndodhin këto keqpërdorime, ekonomisti, Mustafë Kadrijaj, kërkon që Kuvendi të bëjë disa ndryshime për rritjen e kritereve për punësime në institucionet publike.
Sipas raportit, institucionet publike edhe shpërblejnë me kontrata kompani e konsulentë, të cilët nuk arrijnë të plotësojnë kushtet por dhe që kanë hartuar metodologji për kryerjen e punëve në kundërshtim me kërkesat e komunës.
Kronika e gazetares Albiona Hajdari.
