Policia e Kosovës ka arrestuar një person në Prishtinë, i dyshuar për veprën penale “Keqpërdorim i autorizimeve në ekonomi”.
Sipas raportit policor, i dyshuari, mashkull kosovar, është arrestuar më 4 gusht 2026, pasi dyshohet se ka keqpërdorur investimet e një ankuesi, shtetas i huaj, me të cilin ishte marrë vesh për hapjen e një biznesi të përbashkët në Kosovë.
Policia njofton se përmes keqpërdorimit të autorizimeve ekonomike, i dyshuari i ka shkaktuar dëm financiar ankuesit.
“Më datën 04.08.2026 është arrestuar i dyshuari mashkull kosovar pasi që i njëjti i kishte keqpërdorur investimet e ankuesit mashkull shtetas i huaj, pasi që ishin dakorduar për të hapur një biznes të përbashkët në Kosovë. I dyshuari ka keqpërdorur autorizimet ekonomike dhe e ka dëmtuar ankuesin. Pas intervistimit, me vendim të prokurorit i dyshuari është dërguar në mbajtje”, thuhet në raportin e Policisë.
