Korporata Energjetike e Kosovës (KEK) ka reaguar pas paralajmërimeve të punonjësve për grevë, duke theksuar se mirëqenia dhe kushtet e punës mbeten prioritet kryesor i Bordit dhe Menaxhmentit.
Në një komunikatë për media, KEK-u thekson përkushtimin ndaj dialogut social me dy sindikatat, për trajtimin e drejtë të çështjeve të punonjësve, gjithmonë duke e balancuar me mundësitë reale dhe performancën e ndërmarrjes.
Sipas KEK-ut, për vite me radhë janë ofruar përfitime si sigurim shëndetësor, transport, shujta, pagesa jubilare, rritje lineare të pagave dhe bonuse vjetore, ndërsa Bordi dhe Menaxhmenti vazhdimisht janë të gatshëm të dëgjojnë dhe adresojnë kërkesat e punonjësve, duke ruajtur stabilitetin financiar.
“Bordi dhe Menaxhmenti vazhdimisht kanë treguar gatishmëri për të dëgjuar dhe adresuar kërkesat e punonjësve dhe sindikatave, duke ruajtur stabilitetin financiar. Për vite me radhë, KEK ka ofruar përfitime të rëndësishme për punonjësit, përfshirë sigurim shëndetësor, transport, shujta të dinjitetshme, pagesa jubilare, pagesën e përvojës së punës, rritje lineare të pagave dhe bonuse vjetore”, thuhet në reagim.
Punëtorët e KEK-ut paralajmërojnë grevë nëse s’ka rritje pagash
