Korporata Energjetike e Kosovës ka bërë të ditur se Njësia A4 e Termocentralit “Kosova A” është rikthyer në funksion pas përfundimit të punimeve teknike.
Sipas njoftimit të KEK-ut, janë kryer riparime në sistemin gypor të kaldajës, ndërsa janë krijuar edhe kushtet e nevojshme për riaktivizimin e njësisë.
Nga korporata është bërë e ditur se startimi i njësisë është realizuar në orët e hershme të mëngjesit, ndërsa procesi i sinkronizimit me rrjetin energjetik ka përfunduar rreth orës 09:00.
Njësia A4 kishte dalë jashtë funksionit më 6 maj, pasi ishin paraqitur rrjedhje të ujit në kaldajë, përkatësisht në zonën e tejnxehësit.
