Ministrja në detyrë e Ekonomisë, Artane Rizvanolli ka njoftuar se bizneset që kanë dal në treg të lirë dhe nuk kanë arritur të nënshkruajnë kontrata furnizimi do të furnizohen me energji elektrike nga KEK.
Ajo ka thënë se KEK ka njoftuar se energjia për këto ndërmarrje për ditën e sotme, 1 qershor kur edhe ka filluar liberalizmi i tregut të lirë për energji është siguruar përmes Bursës Shqiptare të Energjisë Elektrike me çmim mesatar prej 64.55 €/MWh.
“Që nga sot, KEK, në cilësinë e Furnizuesit të Mundësisë së Fundit (FMF), furnizon të gjitha ndërmarrjet që kanë dalur në treg të lirë e nuk kanë arritur të nënshkruajnë kontrata furnizimi. KEK njofton se energjia për këto ndërmarrje për ditën e sotme, pra 1 qershor, është siguruar me çmim mesatar prej 64.55 €/MËh përmes Bursës Shqiptare të Energjisë Elektrike (ALPEX)”, ka shkruar ajo në Facebook.
Rizvanolli u ka bërë thirrje ndërmarrjeve që në afat sa më të shkurtër dhe brenda afatit ligjor të nënshkruajnë marrëveshjen e furnizimit me KEK si FMF, ose të gjejnë furnizues alternativ.
Ajo poashtu ka kërkuar nga Zyra e Rregullatorit të Energjisë që të monitorojë tregun me përpikëri duke theksuar se ekzekutivi mbetët i përkushtuar të ndihmojë ndërmarrjet që tash kanë dal në treg të lirë.
“Nga ZRrE presim të monitorojë tregun me përpikëri dhe të ndihmojë të gjitha palët për një tranzicion sa më të lehtë, ndërsa Qeveria e Republikës së Kosovës mbetet e përkushtuar të ndihmojë ndërmarrjet që tashmë kanë dalë në treg për të bërë zgjidhjet më të favorshme për biznesin e tyre. Sa më shpejt që ndërmarrjet informohen saktë, aq më i lehtë e më i shpejtë do të jetë tranzicioni për to”, ka shkruar ajo.
Bizneset në Kosovë ka kundërshtuar vendimit e ZRrE-së për liberalizmit të tregut të energjisë elektrike. Ata kanë kërkaur shtyrje të vendimit, ndërsa kanë thënë se kjo formë e tanishme nuk është e duruara duke akuzuar se është krijuar monopol.
