Korporata Energjetike e Kosovës (KEK) ka njoftuar se Njësia B2 është ndalur për kontroll teknik pas më shumë se 2,000 orë operim të pandërprerë, që përkon me 82 ditë prodhim konstant energjie elektrike që nga 26 tetori 2025.
Në komunikatën për media është thënë se kontrolli teknik ka për qëllim vlerësimin e gjendjes së njësisë, rifreskimin e parametrave operativë dhe sigurimin e vazhdimësisë së prodhimit në mënyrë të qëndrueshme.
“Operacionet pritet të zgjasin rreth 48 orë, gjatë të cilave ekipet teknike do të kryejnë ndërhyrjet e nevojshme në pajisjet kryesore dhe do të sanojnë disa gypa të kaldajës, ku janë evidentuar rrjedhje”, thuhet në njoftim.
KEK thekson se kjo periudhë do të shfrytëzohet për rritjen e sigurisë dhe efikasitetit të operimit të njësisë, duke garantuar stabilitetin e sistemit elektroenergjetik dhe funksionimin të sigurt të kapaciteteve prodhuese. /teve1.info/
Rënia e njësisë B2 në KEK, Shala paralajmëron krizë energjetike dhe rritje çmimesh
