Nuk ka vend për shqetësim në lidhje me operimin dhe sigurinë në njësitë e TC Kosova A, njofton Korporata Energjetike e Kosovës (KEK).
Sipas njoftimit, njësia A4 është ndalur për shkak të një lidhjeje të shkurtër në kabllot e matjeve, dhe është shkyçur nga puna në mënyrë të rregullt.
“Njësia A4 është ndalur për shkak të një lidhjeje të shkurtër në kabllot e matjeve, dhe është çkyçur nga puna në mënyrë të rregullt. Ekipet e mirëmbajtjes janë angazhuar që nga momenti i ndaljes së njësisë dhe po punojnë për sanimin e gjendjes, me qëllim që njësia të kthehet në operim sa më shpejt. Zjarri i raportuar në media ka ndodhur jashtë njësisë A4 dhe i njëjti është lokalizuar dhe fikur në kohë optimale nga zjarrfikësit”, thuhet në njoftim.
Lidhur me këtë çështje reagoi KEK-u, pas publikimit të një videoje nga deputetit i PDK-së, Ferat Shala, i cili tha se ka shpërthyer një kazan në bllokun 4 të termocentralit “Kosova A”./teve1.info/
Shala publikon pamje, thotë se ka eksploduar kazani në termocentralin “Kosova A”
