Korporata Energjetike e Kosovës (KEK-u) ka njoftuar se për shkak të një defekti teknik të evidentuar në Njësinë A3, është bërë ndalimi i kontrolluar i njësisë.
Sipas KEK-ut, ndalimi është bërë në ora 22:17, si masë parandaluese, me qëllim të shmangies së dëmtimit të mëtejshëm të pajisjeve.
“Ndalimi është ndërmarrë si masë parandaluese, me qëllim të ruajtjes së gjendjes teknike të pajisjeve dhe krijimit të kushteve të sigurta për ndërhyrjen dhe sanimin e defektit”, thuhet në njoftim.
KEK-u ka bërë të ditur se ekipet profesionale janë duke punuar për trajtimin e situatës dhe sanimin e defektit.
Njësia A3 pritet të rikthehet në operim pas përfundimit të ndërhyrjeve të nevojshme dhe verifikimit të kushteve të sigurta për punë.
