Kështu ka bërë të ditur KEDS-i përmes një postimi në Facebook, ku ka treguar se ekipet e tyre janë duke punuar vazhdimisht deri në sanim të plotë të prishjeve.
“Për shkak të kushteve atmosferike që po mbizotërojnë në vendin tonë, erërat e forta kanë shkaktuar një sërë prishjesh në Ferizaj, Pejë, Mitrovicë, Gjakovë e Gjilan. Ekipet tona janë të mobilizuara në secilin lokalitet dhe po punojnë vazhdimisht deri në sanimin e plotë të prishjeve”, thuhet në njoftim./teve1.info/.
Ndryshe, si pasojë e erërave të fuqishme ku është rrëzuar një lis dhe ka zënë dy persona, dyshohet se ka humbur jetën një 30 vjeçar në Prishtinë.
Lajmin për teve1.info e ka konfirmuar zëdhënësi i policisë për rajonin e Prishtinës, Agron Borovci.
Ai ka thënë se si pasojë e erërave të forta është rrëzuar një lis i cili i ka zënë dy persona, ku njëri nga ta dyshohet se ka humbur jetën.
“Rreth orës 15:15 është pranuar informata se një lis është rrezuar dhe ka zënë dy persona. Policia menjëherë ka dalë në vendin e ngjarjes dhe nga informatat e para janë ngritur dyshimet se njëri nga të lënduarit mashkull, rreth 30 vjeç ka humbur jetën përderisa e lënduara tjetër femër poashtu rreth 30 vjeç është dërguar në QKUK për trajtimin e nevojshëm mjekësor”, tha Borovci.
