Përmes një komunikate, KDI u shpreh se përkundër rritjes së çmimeve dhe produkteve esenciale, partitë ende nuk kanë pasur një debat në nivel politikash dhe as iniciativa ligjore për këtë çështje.
“Në një situatë të tillë, përkundër disa propozimeve që janë bërë publike nga akterë të ndryshëm, përfshirë partitë opozitare, në Kuvendin e Kosovës ende nuk ka pasur debat në nivel politikash, as iniciativa konkrete ligjore lidhur me këtë çështje. Kuvendi i Kosovës, në këtë periudhë krize për vendin do të duhej të luante një rol proaktiv në përmbushjen e obligimeve kushtetuese që ka, duke shtyrë përpara politika që përmirësojnë gjendjen ekonomike të qytetarëve, pas rritjes enorme të çmimeve”, thuhet ndër tjerash në komunikatë.
Tutje, Instituti ka bërë thirrje që organi legjislativ sa më parë të mblidhet për ofrimin e zgjidhjeve konkrete për adresimin e nevojave të qytetarëve në mënyrë që të kontribuojnë në përmirësimin e situatës aktuale socio-ekonomike./teve1.info/
