Pa përfunduar ende sezoni 2024/25 në Superligën e Kosovës në basketboll, skuadra e Vëllaznimit ka filluar të mendoj për sezonin e ardhshëm.
Klubi gjakovar ka bërë të ditur se në krye të ekipit për sezonin 2025/26 do të jetë trajneri Jeronimo Sharin, me të cilin ka vazhduar bashkëpunimin edhe për një vit tjetër.
Te Vëllaznimi janë ndarë të kënaqur me punën e trajnerit kroat, që tashmë ka firmosur kontratë njëvjeçare dhe ta konsolidoj ekipin për sezonin tjetër.
Nën drejtimin e Sharinit, Vëllaznimi jo vetëm që ka pasur rezultate të mira, por edhe ka shijuar suksese.
Suksesi më i madh i ekipit gjakovar, padyshim mbetet triumfi në Ligën Unike, duke fituar trofe për herë të parë pas gati tri dekadave.
Sa i përket Superligës së Kosovës, Vëllaznimi arriti deri në çerekfinale të play-offit, seri kjo në të cilën u eliminua nga Sigal Prishtina me rezultatin e përgjithshëm 2:1 pas tri ndeshjeve të luajtura.
