KB Istogu ka zyrtarizuar edhe përforcimin e dytë të huaj, i cili do të jetë pjesë e ekipit për pjesën e mbetur të edicionit. Bëhet fjalë për amerikanin Desmond Holloway, i cili pritet të debutoj këtë vikend me ekipin kosovar. Holloway (194 cm) luan në pozitën alo-qendër, ndërsa së fundi ka luajtur në Kolumbi te skuadra Piratas dhe ka pasur një mesatare prej 15 pikëve e 7 kërcimeve për ndeshje.
Ai gjithashtu, karrierë ka bërë edhe në Uruguai, Meksikë, Brazil e Argjentinë.
Aktualisht, Istogu zë vendin e fundit në Superligën e Kosovës me vetëm një fitore karshi dhjetë humbjeve pas 11 xhirove të zhvilluara.
