Klubi i basketbollit Bashkimi, me një komunikatë tjetër gjatë ditës së premte, ka bërë të ditur se ka marrë dy dënime, pas hedhjes së mjeteve të forta, në drejtim të Dardan Berishës.
Nga një shkrepse e hedhur, të enjten mbrëma, në drejtim të kapitenit të Pejës, ndeshja u ndërpre, Berisha pësoi një çarje në ballë dhe u desh të zbrazej një pjesë e tribunës qendrore.
Përveç klubit, me reagim doli gjatë ditës edhe Federata e basketbollit e Kosovës, e cila paralajmëroi masa të ashpra ndaj organizatorit për incidentin që lëndoi Dardan Berishën.
Sipas KB Bashkimit, klubi është dënuar me gjobë prej 3200 eurosh dhe me tri ndeshje pa praninë e tifozëve si vendës në tribunën ballore të sallës.
Mëposhtë komunikata e plotë e KB Bashkimi në Bacebook:
Të nderuar tifozë të KB Bashkimit,
Në ndeshjen e fundit ndaj KB GO+Peja, për fat të keq, disa individë të papërgjegjshëm (3–4 persona) hodhën shkrepsa në drejtim të parketit, me ç’rast u godit edhe një lojtar i skuadrës mysafire. Ky veprim i papranueshëm dhe vulgar nuk përfaqëson vlerat e klubit tonë, as shumicën dërrmuese të tifozëve tanë të vërtetë dhe distancohemi nga veprime të tilla që më së paku përfaqësojne klubin dhe qytetin e Prizrenit.
Si pasojë e këtij akti të shëmtuar KB Bashkimin është dënuar me:
• 3,200 € gjobë, dhe
• 3 ndeshje pa praninë e tifozëve në tribunën ballore qendrore të sallës.
Ky dënim nuk është pasojë e klubit, lojtarëve apo tifozëve korrektë, por është një “dhuratë” e hidhur nga disa individë që, qartazi, nuk ia duan të mirën KB Bashkimit dhe po i shkaktojnë dëm të drejtpërdrejtë klubit që të gjithë e duam.
Është momenti i fundit të që të reflektojmë dhe palestrat tona ti kthjemë ne arena festive e sportive e jo strehë per disa individë qe thirren si tifozë por në të vertetë jan huliganë, andaj bëjmë thirrje të gjithë tifozëve tanë që të na përkrahin me zemër, por gjithmonë me përgjegjësi e qe mos të vuajme pasojat e disa individeve sepse me keto veprime vetem sa do ti largojme shikuesit e pergjegjshem dhe investimet serioze qe behen ne klub .
Nga sot qendra sportive do të jetë e monitorur nga kamerat e sigurisë që do të përdoren për të identifikuar personat e papërgjegjshëm dhe do te lajmërohen ne organet e rendit e do të ju ndalohet hyrja në sallë për të ardhmen.
