Katër persona kanë marrë lëndime si pasojë e përplasjes ndërmjet dy veturave sonte në dalje të autostradës së Rrugës së Kombit, në Kukës.
Automjeti tip Benz sapo ka dalë nga autostrada është përplasur me automjetin tip Toyota.
Nga aksidenti janë lënduar dy pasagjerët dhe shoferi në automjetin tip Benz, gjithashtu edhe drejtuesi i foristradës, të cilët ndodhen jashtë rrezikut për jetën.
Të lënduarit janë transportuar menjëherë në urgjencën e Kukësit, ndërsa policia po kryen veprimet për shkaqet e aksidentit.
Ky segment është burim aksidentesh pasi lidh tre rrugë, dalja dhe hyrja e Rrugës së Kombit, aksi i rrugës Kukës-Shishtavec dhe hyrja e qytetit të Kukësit. /tch
