Katër basketbolliste të huaja janë përfshirë në pesëshen më të mirë të xhiros së shtatë në Superligën e Kosovës që u mbyll të dielën mbrëma.
FBK-ja, ka shkruar se “MVP e Javës” është shpallur lojtarja e Peja 03, ukrainasja Veronika Liubinets që ishte ndër më të dalluarat në xhiron e shtatë.
Liubinets kontribuoi me 13 pikë, 14 kërcime e 2 asistime në fitoren e Pejës 03 ndaj kampionit në fuqi, Bashkimit, të cilit ia shkaktoi humbjen e parë.
Krahas ukrainases Liubinets, në “Top 5” është përfshirë edhe amerikania tjetër e Pejës 03, Taylor Ëillard që pati 7 pikë, 4 kërcime e 6 asistime.
Dy lojtare edhe të skuadrës së Penzës që mposhti Prishtinën, janë futur në pesëshen më të mirë.
Terry Nicole që pati 23 pikë, 12 kërcime e 6 asistime, si dhe Saranda Daci që regjistroi 12 pikë, 13 kërcime e 4 asistime.
Vivian Woo me 28 pikë, 11 kërcime e 2 asistime që udhëhoqi Trepçën drejt fitores së parë këtë sezon duke e mposhtur Junior 06, gjithashtu ka zënë vend në “Top 5” që shpallet pas përfundimit të secilës xhiro në elitën e basketbollit të femrave.
