Katër persona janë arrestuar sot në një aksion të Policisë së Kosovës në rajonin e Prizrenit, kundër trafikimit me narkotikë.
Drejtori i Zyrës për Informim në Policinë e Kosovës, Baki Kelani ka bërë të ditur për Teve1.info se aksioni është kryer në katër lokacione.
“Sot, në orët e paradites Policia e Kosovës në bashkëpunim dhe koordinim me organet e drejtësisë, ka realizuar një operacion policorë, i cili përfshinë katër lokacione në rajonin e Prizrenit. Operacioni policor ka të bëjë me hetimin dhe luftën kundër trafikimit me narkotik, i cili ka rezultuar me arrestimin e katër personave të dyshuar”, ka thënë Kelani.
