Katër persona janë arrestuar nën dyshimin se duke i hedhur sprej i kanë grabitur çantën e krahut me 8 mijë euro një personi.
Sipas Policisë, rasti ka ndodhur të premten pas mesnate në rrugën “Nëna Terezë” në Fushë-Kosovë.
Të dyshuarit pas intervistimit, me vendim të prokurorit janë dërguar në mbajtje.
“Raportohet se janë arrestuar katër të dyshuar meshkuj kosovarë, pasi që të njëjtit duke i hedhur sprej viktimës mashkull kosovar, i kanë grabitur çantën e krahut me 8.000 €. Të dyshuarit pas intervistimit me vendim të prokurorit dërgohen në mbajtje”, thuhet në raportin e Policisë së Kosovës./teve1.info/
