Policia e Kosovës ka bërë të ditur se është duke hetuar katër raste të vdekjeve që kanë ndodhur brenda 24 orëve në disa qytete të vendit.
Në Podujevë është gjetur pa shenja jete një burrë, ndërsa vdekja e tij është konstatuar nga mjeku kujdestar në vendin e ngjarjes, thuhet në raportin 24-orësh të Policisë.
Një rast tjetër është raportuar në Mitrovicë, ku gjithashtu është gjetur pa shenja jete një burrë kosovar, vdekja e të cilit është konstatuar nga mjeku kujdestar.
Në Leposaviq, një burrë është gjetur i vdekur në shtëpinë e tij, ku mjeku kujdestar ka konfirmuar vdekjen.
Ndërkohë, në Zveçan është raportuar edhe një rast tjetër, ku pas daljes së njësive policore dhe ekipit mjekësor është konstatuar vdekja e një burri kosovar.
Në të gjitha rastet, me vendim të prokurorëve kompetentë, trupat janë dërguar në Institutin e Mjekësisë Ligjore për obduksion./teve1.info/
