Në bazë të matjeve në zona të ndryshme të Kosovës të kryera nga Instituti Hidrometeorologjik i Kosovës (IHK), Prishtina, Obiliqi, Peja dhe Gjilani janë qytetet me ajrin më të ndotur në Kosovë.
Specialisti për cilësinë e ajrit në IHK, Shkumbin Shala ka shkruar në profilin e tij në “Facebook” se këto katër qytete kanë më shumë ditë me tejkalime në ndotje të ajrit Brenda vitit.
“Nga matjet tona del që në territorin e Kosovës: Prishtina, Obiliqi, Peja dhe Gjilani kanë më shumë ditë me tejkalime në ndotje brenda një viti”, ka shkruar ai.
