Katër persona kanë pësuar lëndime trupore në një aksident komunikacioni që ka ndodhur në rrugën magjistrale Mitrovicë veri-Jarinje, ne fshatin Rudare te Zveqanit, në të cilin janë përfshirë tri vetura.
Sipas Policisë së Kosovës shoferi i njërës nga veturat e përfshira në aksidentin që ka ndodhur rreth orës 15:40, është larguar nga vendi i ngjarjes.
Daut Hoxha zëdhënës i Policisë së Kosovës ka thënë për teve1.info, se ekipet përkatëse janë duke punuar në zbardhjen e rastit.
“Sipas informatave fillestare dyshohet se një nga automjetet e përfshira ka ikur nga vendi i ngjarjes dhe Policia po punon për identifikimin e tij dhe për sqarimin e rrethanave tjera në këtë aksident. Katër persona raportohet se janë te lënduar në këtë aksident dhe janë përcjell për trajtim mjekësor, përderisa ekipet kompetente policore janë duke kryer hetime relevante për trajtimin e rastit sipas procedurave ligjor”, ka thënë Hoxha.
Ai u ka bërë thirrje shoferëve që të kenë kujdes gjatë vozitjes./teve1.info
