Gjatë 24 orëve të fundit, në Policinë e Kosovës janë raportuar tri raste të dhunës në familje, me ç’rast janë arrestuar katër persona, nën dyshimin që kanë shkaktuar dhunë, shkruan teve1.info.
Rasti i parë i raportuar në raportin e PK-së, ka ndodhur në Prishtinë, ku një grua ka thënë se është shqetësuar nga një person, derisa kishe qenë me vëllain e saj në veturë. Lidhur me këtë rast, palët janë intervistuar, derisa me vendim të prokurorit i dyshuari është dërguar në mbajtje.
I dyshuari i dytë është arrestuar, me dyshimin se ka ushtruar dhunë ndaj viktimës, të cilës i ka shkaktuar edhe lëndime. Ky rast ka ndodhur pasditen e djeshme në Fushë-Kosovë, ku vendimi i prokurorit ka qenë që i njëjti të dërgohet në mbajtje.
Ndërkohë, në Prizren, pas një pune hetimore nga Policia e Kosovës është arritur që të arrestohet një i dyshuar, shtetas i Gjermanisë, që dyshohet të ketë kryer veprën “Dhunë në familje”.
Rasti i fundit ka ndodhur në Gjakovë, ku një person është arrestuar nën dyshimin se i ka demoluar dhe dëmtuar orenditë e shtëpisë së gjyshes së tij. Lidhur me rastin, i dyshuari pas kontrolleve mjekësore është dërguar në Repartin e Psikiatrisë për hospitalizim. /teve1.info/
