Katër persona janë arrestuar, pasi që të njëjtit dyshohet se kanë ushtruar dhunë ndaj familjarëve të tyre, derisa janë raportuar vetëm tri raste të dhunës në familje, në Policinë e Kosovës.
Si pasojë e dhunës, një burrë është arrestuar në Pejë, pasi që në gjendje të dehur kishte ushtruar dhunë psikike ndaj bashkëshortes së tij. I arrestuari gruas së tij i kishte kërkuar që të largohej nga shtëpia, raporton teve1.info.
Ndërsa, në Gjilan është arrestuar një person tjetër, pasi që dyshohet se ka sulmuar fizikisht motrën e tij. Policia e Kosovës ka bërë të ditur se si pasojë e goditjeve me një mjetë të fortë, motra e sulmuesit është detyruar të marrë tretman mjekësor.
Ndërkohë, në kryeqytet një grua është ankuar në Polici, se në vazhdimësi është kërcënuar si dhe është keqtrajtuar në mënyrë psikike ndaj bashkëshortit dhe vjehrrit të saj.
Ndërkaq, me vendim të prokurorit, të tri rastet të iniciuara “Dhunë në familje”, pas intervistimit katër personat e dyshuar janë dërguar në mbajtje.
