Gjashtë persona janë arrestuar nga Policia e Kosovës, pasi që të njëjtit janë rrahur mes vete, ku katër prej tyre më pas kanë pësuar lëndime trupore.
Të lënduarit janë dërguar për tretman mjekësor, derisa policia ka kontrolluar shtëpinë e njërit nga të dyshuarit.
Gjatë kontrollit, njësitë policore kanë gjetur dhe konfiskuar një pushkë me 27 copë fishekë.
Ngjarja ka ndodhur në ndërrimin e mot-moteve në Pejë.
“Pas një mosmarrëveshje janë rrahur mes veti gjashtë të dyshuar meshkuj kosovarë, katër prej tyre kanë pësuar lëndime trupore dhe kanë pranuar tretman mjekësor. Gjatë kontrollit në shtëpinë e njërit prej tyre është gjetur dhe konfiskuar një pushkë me 27 copë fishekë. Gjashtë të dyshuarit janë arrestuar dhe pas intervistimit me vendim të prokurorit janë ndërguar në mbajtje”, thuhet në raportin e Policisë së Kosovës.
