Përfaqësues të Listës Serbe, zyrtarë të institucioneve, këshilltarë komunal e zyrtarë policor nga katër komunat veriore u mblodhën në objektin e Komunës së Zveçanit të mërkurën.
Kësaj radhe, temë diskutimi ishin çështja e sigurisë dhe situata politike në mes Kosovës dhe Serbisë muajve të fundit.
Ky takim zgjati më shumë se dy orë e dyert ishin të mbyllura për media.
Pas takimit katër këshilltarët e Mitrovicës së Veriut, Zveçanit, Leposaviqit dhe Zubin Potokut dolën me një deklaratë të përbashkët dhe disa kërkesa.
- Serbët e katër komunave veriore i japin përkrahje të plotë presidentit të Serbisë, Aleksandër Vuçiq që në 7 ditët e ardhme të arrijë zgjidhje për tabelat dhe dokumentet personale.
- Kërkohet me urgjencë dhe pa vonesa të formohet Asociacioni i Komunave Serbe sipas marrëveshjeve të Brukselit të vitit 2013 dhe vitit 2015. Asnjë shtyrje më nuk është e justifikueshme. 3. Ftohet KFOR-i që në harmoni me Rezolutën 1244 dhe Marrëveshjen e Kumanovës të garantojë siguri e paqe për të gjithë dhe të mos bëhen instrument i institucioneve të Prishtinës. Ftojmë KFOR-in që të mos lejojë ardhjen e njësive të armatosura speciale të Kosovës, të cilat janë kundër serbëve dhe sigurisë së tyre.
Përveç këtyre, ata kërkuan nga qytetarët serb që të mos zbatohen dy vendimet e ekzekutivit kosovar për reciprocitet në targa dhe dokumente.
- Ftohen serbët e Kosovës që të mos pranojnë vendimet e Qeverisë së Kosovës për target e automjeteve dhe dokumentet personale
- Përfaqësuesit serbë do të vazhdojmë të përfaqësojmë interest serbe. Kemi marrë mbështetjen e Vuçiqit se nuk do të lejohet përndjekja e populates serbe
- Nëse nuk vjen deri të zgjidhja e kompromisit, ne do të marrim vendim që të lëshojmë institucionet e Kosovës në të gjitha institucionet, si ato lokale e qendrore, por edhe institucionet e rendit dhe gjykatat.
Ndërkohë, të dielën serbët lokalë të Kosovës patën një takim me presidentin serb, Aleksandër Vuçiq në pallatin “Serbia” në Beograd.
Raporti i gazetares Fetije Kamberi.
