Presidenti amerikan, Donald Trump ka nënshkruar marrëveshje me Katarin për blerjen e aeroplanëve Boeing, teksa po qëndron në vizitë atje si pjesë e turneut të tij në Lindjen e Mesme.
Marrëveshja e Trump në Katar vjen mes polemikave mbi ofertën e vendit – të cilën Trump tha se do ta pranonte – për një Boeing 747-8 luksoz që SHBA-të mund ta përdorin si Air Force One.
Trump thotë se marrëveshja me Boeing është “porosia më e madhe e avionëve ” në historinë e kompanisë.
Ai thotë se marrëveshja vlen 200 miliardë dollarë dhe përfshin 160 avionë, raporton The Guardian.
Ai thotë se nesër do të ketë “një lloj panairi ajror” që do të shfaqë aeroplanët “më të fundit”.
Udhëheqësit nënshkruan gjithashtu një numër marrëveshjesh në fushën e mbrojtjes, duke përfshirë një deklaratë qëllimi për bashkëpunim ushtarak midis SHBA-së dhe Katarit .
