Kandidati për kryetar të Kamenicës nga radhët e PSD-së, Qëndron Kastrati, ka premtuar se nëse rizgjedhet kryetar i kësaj komune do të përfundojë asfaltimi i të gjitha rrugëve ku ka banorë.
Ai tha se Komuna e Kamenicës ka qenë njëra ndër më të vonshmet që ka realizuar punët bazike si asfaltimi i rrugëve dhe ndriçimi publik, ndërsa cilësoi gjendjen aktuale të asfaltimit si të dobët dhe jo të qëndrueshme.
“Gjatë katër viteve të ardhshme e them me përgjegjësi që do të arrijnë të realizohen të gjitha rrugët ku ka banorë që jetojnë aktualisht në ato pjesë. Cilësia aktualisht e asfaltimit është shumë e dobët, nuk ka rrugë që ne jemi duke e vizituar, e cila nuk është dëmtuar. Baza nuk është e fortë, kemi raste me fotografi që në vend të zhavorrit dhe materialeve tjera si bazë vendoset vetëm dheu, te trashësia është vetëm pjesa e parë”, tha Kastrati në emisionin “Info Nata” në Tëvë1.
Ai shtoi se PSD-ja në Kamenicë ka për synim rikthimin e asfaltimit me standarde të larta.
“Ne kemi me rikthy asfaltimin me bazë të fortë, me shtresa që janë të qëndrueshme. E them me përgjegjësi që kanë me arrit me u përfundu të gjitha vendet ku ka banorë”, u shpreh Kastrati. /teve1.info/
